miércoles, 21 de diciembre de 2016

Plan proxecta: fase de documentación

O alumnado do Plan Proxecta "Cinema en curso" aproveitou o sol que nos regalou este decembro para achegarse a A Seca e traballar na fase de documentación do seu proxecto. Ademais de realizar fotos e vídeos, falaron coas mariscadoras e cos mariñeiros da zona acompañados por Ángel (o noso cineasta), Mónica (do CGAI) e as profesoras responsables do proxecto en colaboración coa biblioteca, Carmen Fernández e María Cuquejo.










lunes, 19 de diciembre de 2016

Adrián Besada gañador do concurso de microrrelatos Hoy por hoy Castellón

Alumno participante no club de lectura de poesía e animado a presentarse aos concursos literarios por Carmen Quinteiro, Adrián Besada Padín, de 3 de ESO, é o gañador desta semana no concurso de Microrrelatos do programa radiofónico "Hoy por hoy Castellón". Non é o primeiro recoñecemento que recibe: foi segundo no concurso de relatos de terror do IES. Segue escribindo, Adrián, hai unha promesa literaria en ti!!! Parabéns!!!


Bo nadal

A biblioteca do IES de Poio deséxavos unhas boas festas e un próspero 2017 na compaña de amigos e amigas, familia e moitos, moitos libros!!!


Plan proxecta: traballo de documentación

O alumnado de 4 de ESO implicado no Plan Proxecta visitou a biblioteca para o proceso de documentación.



viernes, 16 de diciembre de 2016

Nova lectura no club de poesía


No club de lectura de poesía traballaremos sobre a realidade e a ficción, a autoría e a voz lírica, coa nosa seguinte lectura: Sobre todo nada, de Miguel Albero, que foi premio Jaime Gil de Biedma. Trátase dun poemario sobre a enfermidade, a recuperación, a recaída e a esperanza. Vémonos o mércores!

Nova lectura do club de iniciación á BD


O alumnado do club de iniciación á BD comentará este próximo martes unha nova lectura: La memoria del agua, publicado por Norma editorial. Trátase dunha historia de familia, de crenzas e de xentes do mar... os protagonistas poderiamos ser calquera de nós, de terra de mariñeiros: Poio, Chancelas, Combarro, Samieira...

Xornal do IES de Poio

Chegan as novas do noso IES da man do alumnado de 3º ESO A e a profesora Fátima Barreiro, do Departamento de lingua castelá e literatura. Aquí vos queda o primeiro número de "La redacción".


martes, 13 de diciembre de 2016

Nova lectura no club de adultos do IES de Poio

Onte tivemos novas incorporacións no noso Club de lectura de adultos. Xa somos 11 entre profes, nais e avoas!!!

Falamos entre risas e biscoito dun libro do máis actual: "No tendréis mi odio", de Antoine Leiris, un pranto do autor en torno á morte da súa parella no atentado da sala Bataclán en París. Un libro sinxelo, entrañable, e un bo comezo para coñecernos e falar sobre como sería a nosa reacción ante unha traxedia destas características, así como tamén as diferencias sociais entre o noso país e o país veciño.

Aquí deixamos a nosa próxima lectura sobre relacións familiares: "La cena" de Herman Koch.
Vémonos o luns 16 de xaneiro ás 18:30 na Biblioteca. Gozade coa lectura!


lunes, 12 de diciembre de 2016

Os nosos poemas preferidos de "Caleidoscopio" de Carmen Quinteiro Moreno

Recitación a cargo do alumnado do Club de lectura de Poesía do IES de Poio: Gonzalo, Adrián, Paula, Jéssica, Uxía, Estela, Carolina, Cris, Laura, Jennifer e Daniel. Alba estivo detrás da cámara.

Caleidoscopio e Carmen Quinteiro Moreno

Hoxe, no club de lectura de poesía, tivemos o privilexio de ter con nós a Carmen, que nos falou de "Caleidoscopio", pero tamén do seu proceso como creadora. Abriu en nós o apetito de ler o seu novo poemario e nos animou a publicar os nosos propios textos sen medo á opinión dos demais. Un verdadeiro pracer lerte e escoitarte, Carmen. Agardamos verte de novo polo noso IES!!!




sábado, 10 de diciembre de 2016

Recomendacións lectoras para o Nadal

Aquí tedes as recomendacións da biblio para este Nadal. Lembrade que podedes levar en préstamo tres libros ou pelis!!!

miércoles, 7 de diciembre de 2016

Recomendacións de libros para pedirlle aos reis

A profe Geles Fernández segue a lembrarse do IES de Poio e nos envía o enlace ao seu blog, onde recomenda preciosos álbumes ilustrados para poñer na lista de peticións aos Reis Magos.

Aquí tedes o enlace: Libros para pedirlle aos Reis Magos. Recomendacións de Geles Fernández


Infografías de 1 de Bacharelato

O alumnado de primeiro de bacharelato traballou nestas últimas semanas coa procura de información, reelaboración e a relación contido-presentación coa finalidade de crear infografías. O tema escollido, co gallo da temática de Bibliotecas Escolares, foron os artistas. Aínda que o proceso foi ben interesante, os resultados finais son dignos de admiración. Moi bo traballo!!! Deixamos algunhas mostras para abrir boca deste traballo de colaboración de biblioteca e Dpto. de lingua castelá e literatura.







Traballos de Ángela, Alba, Carmen, Pablo, María José, Xiana, Noelia e Andrés. 





viernes, 25 de noviembre de 2016

25 de novembro

Aquí quedan as imaxes de hoxe, día internacional para a eliminación da violencia contra a muller. Houbo palabras en galego, castelán, francés, palabras de mozas e palabras de mozos, palabras de alumnos e alumnas e tamén palabras de profes. Hoxe, todos e todas compartimos unha mesma mensaxe: non máis violencia!


martes, 22 de noviembre de 2016

Novas mochilas viaxeiras

A partir de mañá iniciaremos unha nova viaxe lectora. Temos as mochilas preparadas, agora faltan as familias aventureiras do alumnado de 1 de ESO.

Este ano, as mochilas chegan con novidades:

- Unha libreta que inclúe a información da actividade.
- Reseñas dos materiais (temática, idade recomendada e tempo aproximado de lectura).
- Fichas de avaliación dos materiais para cada familia.

Ademais, escollemos materiais que poden agradar tanto a pais e nais como aos rapaces e rapazas, para fomentar a lectura compartida. Tamén son materiais que permiten unha lectura en pouco tempo, para que se poida asumir nunha semana.

Outra novidade é que incluimos en todas as mochilas un libro de cociña divertida para preparar xuntos unha cea en familia e ver no sofá unha peli da biblioteca!!!

Agardamos que a vosa viaxe polos materiais da biblioteca vos faga gozar, ler e compartir. Adiante!

                                  Equipo de biblioteca



lunes, 21 de noviembre de 2016

Comezo do club de lectura de adultos do IES de Poio


As oito participantes do club de lectura de adultos déronse cita esta tarde na biblioteca do IES. Puxéronse sobre a mesa varias propostas e quedamos o próximo decembro para compartir lectura e biscoito. Comezamos!!

domingo, 20 de noviembre de 2016

Inicio do club de lectura de adultos no IES de Poio

Este luns comezaremos o club de lectura de adultos no IES de Poio co fin de integrar a toda a comunidade educativa nas actividades da Biblioteca e do noso centro. O club, coordinado pola profesora María Elena Costas, contará con 6 participantes entre profes, nais e avoas. A cita será ás 18,30 na biblioteca.

O club estará aberto para todas as persoas interesadas durante o curso, incorporándose o día dunha nova proposta de lectura. Agardámosvos.

Contacto: iespoiobiblioteca@gmail.com


sábado, 19 de noviembre de 2016

VII Xornadas de Bibliotecas Escolares de Galicia


Unha pequena representación do profesorado do IES de Poio asistiu nesta fin de semana ás VII Xornadas de Bibliotecas Escolares de Galicia, un espazo de encontro e formación organizado pola Asesoría de Bibliotecas Escolares da Consellería de Educación. Chegaremos a golpe de luns con ideas novas que levar a cabo e moitas reflexións sobre o papel fundamental da Biblioteca como espazo vertebrador dun ensino de calidade. Seguimos traballando... e o luns ás 18,30, iniciamos club de lectura de adultos con profes, nais e avoas!!! 

miércoles, 16 de noviembre de 2016

Club de lectura Iniciación á banda deseñada



Trala lectura de Ikigami de Motoro Mase, entre os 15 alumnos e alumnas do club concluimos que...

- Nos gustaría ter na biblioteca do centro a colección completa para seguir lendo Ikigami.

- O mellor do libro é a maneira en que se reflicten os sentimentos e emocións dos personaxes.

- Ler un manga, de dereita á esquerda, é un pouco complicado de primeiras, pero nos afacemos rapidamente.

- O plantexamento da historia é terriblemente orixinal!!!

Entre todos fomos resumindo as dúas historias independentes do volume axudados por imaxes de momentos moi impactantes na historia. E ti... que farías se soubeses que te quedan 24 horas de vida?

Bo traballo!!!



"Cinema en curso" na biblioteca


O noso centro foi un dos escollidos para levar a cabo o proxecto "Cinema en curso" que se enmarca dentro do Plan Proxecta da Consellería de Educación e Ordenación Universitaria. O proxecto será desenvolvido polos departamentos de Latín, Lingua galega e Historia e Xeografía co alumnado de 4º de ESO (concretamente, o grupo de 4º de ESO B).

A biblioteca servirá como centro de reunións, de visionado dos filmes e de encontro cos cineastas, e apoiará o proxecto cos materiais necesarios. Comeza un longo e fermoso traballo!!

martes, 15 de noviembre de 2016

Voluntariado: Cidades de Fran Alonso


Os voluntarios e voluntarias do equipo de biblioteca xa están a preparar "un mes, un poema" para decembro. Nesta ocasión o poema escollido pertence ao poemario "Cidades" de Fran Alonso, escollido polas voluntarias de 4 de ESO.


viernes, 11 de noviembre de 2016

Formación de usuarios: 2 de ESO


O alumnado de 2 de ESO practicando coa CDU, sinaturas, opacmeiga.rbgalicia, procuras de información específica... bo traballo!!!

jueves, 10 de noviembre de 2016

A arte e a historia en cómic. Banda deseñada na Biblioteca. Tríptico.


Para ver o documento completo en pdf pincha aquí: A arte e a historia en cómic (Equipo de biblioteca do IES de Poio)




Avaliación da formación de usuarios/as

Hoxe o alumnado de 1 ESO levou a cabo a actividade de avaliación de todo o aprendido nas xornadas de formación: procuras en opacmeiga.rbgalicia, busca de información específica en atlas, dicionarios... creación de sinaturas, procura de temas de investigación a partir dos códigos da CDU... unha sesión moi proveitosa. Bo traballo!


Un mes, un poema

Voluntariado biblioteca: Laura e Abraham de 2º de ESO colocando "Un mes, un poema" co traballo realizado por eles xunto a Alba, Noelia, Luis, Claudia, Sara... Este mes de novembro tocoulle a Bécquer. "Volverán las oscuras golondrinas..."


miércoles, 9 de noviembre de 2016

Botan a andar as caixas de materiais para a Hora de ler


Hoxe saíron da biblioteca as caixas preparadas polo equipo de biblioteca para a Hora de ler, xunto coa información para alumnado e profes. Seleccionamos materiais atractivos, con textos ou capítulos breves para que non se nos corten as historias, e sobre todo, moi variados: novela, poesía, banda deseñada, álbum ilustrado, obras de divulgación... coidade os libros e gozade da lectura porque si.

Inicio do club de lectura de poesía


Hoxe iniciamos o club de lectura de poesía con alumnado de 3º de ESO e 2º de bacharelato. A lectura proposta é Caleidoscopio, de Carmen Quinteiro Moreno, poetisa pontevedresa. O título é absolutamente axeitado ao seu contido: un caleidoscopio de formas poemáticas e de miradas en torno ao sentimento do amor. Agardamos que vos guste case tanto como a nós!!!

lunes, 7 de noviembre de 2016

Clubs de lectura para adultos no IES de Poio

Esta semana enviaremos de novo a información sobre os clubs de lectura para adultos que organiza o IES de Poio. Teremos dous clubs de novela: novelando á familia (historias da convivencia e os conflitos no seo dunha familia) e club de novela histórica. As reunións, coa fin de favorecer a conciliación da asistencia ao club coas obrigas familiares e laborais, serán unha vez ao mes. Non vos perdades esta oportunidade!!


viernes, 4 de noviembre de 2016

Última sesión de formación de usuarios/as


Traballando na biblioteca co xogo de pistas de sinaturas. Bo traballo!

Premios do I Certame de relatos de terror





Hoxe entregáronse os premios do I Certame de reltos de terror convocado pola Biblioteca do IES de Poio. A expectación foi máxima e os premios ben merecidos!! Moitas grazas aos participantes e, sobre todo, ao equipo de voluntarios e voluntarias que fixeron de xurado e a Enzo, voluntario de 2 de bacharelato, sempre disposto a botar unha man no que faga falta (esta vez, facendo de presentador do acto). Agardamos que sigades escribindo e visitando a biblioteca!!