martes, 25 de abril de 2017

O blog da biblioteca e o instagram

O noso blog vén de superar as 2100 visitas desde que comezou a súa andadura no mes de setembro. Está claro que é unha das mellores ferramentas para achegar a información a todo o mundo... e literalmente, porque ata foi visualizado dende o outro lado do Atlántico.

Estamos tamén moi contentas cos nosos 76 seguidores de Instagram, case un 25 por 100 do alumnado do noso centro, e encantadas de que a información e as actividades da biblioteca do IES de Poio cheguen a alumnado, familias e resto do profesorado.

lunes, 24 de abril de 2017

Club de lectura de adultos: nova lectura


No club de lectura de adultos, vimos de rematar "Vacaciones con papá" de Dora Heldt, coa sensación de que, aínda que o humor é algo ligado á cultura, non o é tanto o comportamento humano: os pais e as nais sempre serán pais e nais...

Comezamos "Puerto escondido", de María Oruña, unha novela negra que non vai deixar indiferente a ninguén. A data de reunión segue aberta á espera de solicitar á autora a súa visita ao IES. Manterémosvos informadas.

Fallo do certame literario Xaime Illa Couto

E temos, ademais, un novo motivo de celebración neste luns 24 de abril: hoxe fíxose público o fallo do xurado do XXV Certame literario Xaime Illa Couto, con catro alumnos e alumnas do IES de Poio premiados.

Adrián Besada: Poesía de 14 a 16 anos.
Gonzalo Barragáns: Relato de 14 a 16 anos.

Laura Villaverde: Poesía de 16 a 18 anos.
Iria Tilve: Relato de 16 a 18 anos.

Noraboa aos catro!!!


Actividades día do libro e os dereitos de autor

Durante o recreo de hoxe, 24 de abril, leváronse a cabo un montón de actividades no noso IES con motivo da celebración do Día do libro e os dereitos de autor.

O alumnado voluntario preparou un obradoiro de marcapáxinas cun éxito de participación estupendo, e que repetiremos mañá durante o recreo (ata se apuntaron os profes!!!)




Ademais, empezan a chegar microrrelatos escritos nos minilibros realizados por alumnado de 1 ESO:


A entrada foi decorada polo alumnado de plástica de 1 e 2 de ESO:


E a adopción de libros foi todo un éxito:




Grazas a Elena Costas e Marta Taboada polas ideas e a axuda, e sobre todo, grazas ao voluntariado de biblioteca que axudou hoxe na xestión da biblioteca (Enzo), no obradoiro (Alba, Noelia, Abraham, Luis, Manu) e na mesa de libros (voluntarias de 4 de ESO). 

viernes, 21 de abril de 2017

Novas lecturas nos clubs



Entramos xa nas últimas lecturas deste produtivo ano de clubs: Xosé Tomás en BD e Karmelo Iribarren para poesía.


Colección colaborativa de microrrelatos: día do libro

Aquí están os nosos primeiros textos!!! Os libros foron construidos polo alumnado de 1 de ESO en colaboración coa profesora Marta Taboada.


Este é so un petisco de todas as actividades preparadas na biblio do IES de Poio con ocasión do día do libro e os dereitos de autoría:


Agardamos moitas mentes curiosas e interesadas na lectura!!!

miércoles, 19 de abril de 2017

Día do libro

Participa na I colección colectiva de microrrelatos do IES de Poio. Pasa pola biblio e infórmate.